«Niekatoryja rečy my mahli zrabić i pa-inšamu», — adkazaŭ Džonsan paśla niekalkich pytańniaŭ Bi-bi-si pra toje, čamu ŭ Brytanii ad Covid-19 pamierli bolš za 45 tysiač čałaviek — bolš tolki ŭ Brazilii i ZŠA. Premjer-ministr taksama pryznaŭ, što zastajucca «adkrytyja pytańni» z nahody taho, ci svoječasova ŭ krainie abviaścili karancin.
Padčas intervju palityčnamu redaktaru Bi-bi-si Łory Kiunśbierhu Borys Džonsan sprabavaŭ syści ad analizu dziejańniaŭ urada ŭ pieršyja miesiacy pandemii, nastojvajučy, što «dla hetaha jašče budzie čas».
«Ciapier nie čas pravodzić rasśledavańnia taho, što adbyłosia ŭ minułym (…). Ciapier, jak mnie zdajecca, žychary Brytanii chočuć, kab my zasiarodzilisia na padrychtoŭcy da mahčymaha viartańnia virusa zimoj», — padkreśliŭ jon.
Brytanskaja apazicyja paličyła hetaje intervju pryznańniem u niekampietentnaści. «Borys Džonsan, narešcie, pryznaŭ, što jaho ŭrad padrychtavaŭ drenny adkaz na karanavirus, — skazaŭ ministr achovy zdaroŭja ź cieniavoha kabinieta lejbarystaŭ Džonatan Ašvort. — Jon zanadta doŭha nie ŭśviedamlaŭ pahrozu virusa, zanadta doŭha nie ŭvodziŭ łokdaŭn i zanadta doŭha nie prymaŭ kryzis surjozna».
Na minułym tydni Džonsan paabiacaŭ u budučyni pryznačyć niezaležnaje rasśledavańnie dziejańniaŭ svajho ŭrada pierad i padčas pandemii, ale nijakich padrabiaznaściaŭ na hety kont pakul nie było.
