U horadzie adbyvajecca pieršy ahitacyjny pikiet kandydatki ŭ prezidenty, paviedamlaje «Biełsat».
Fota: Volha Vasiljeva/Belsat.eu
18 lipienia ŭ Mahilovie inicyjatyŭnaja hrupa Śviatłany Cichanoŭskaj ładzić pieršy pieradvybarčy pikiet u jaje padtrymku. Pikiet prachodzić u prysutnaści davieranych asob i na adnym z dvuch vydzielenych harvykankamam miescaŭ, što robić jaho całkam zakonnym. Pikiet prachodzić la Ladovaha pałaca.
Fota: Volha Vasiljeva/Belsat.eu
Praz šmatlikija zakliki ŭ sacyjalnych sietkach padciahnułasia bahata ludziej. Za pieršuju hadzinu — niekalki socień. Ludzi pryjšli, kab vykazać padtrymku štabu Śviatłany Cichanoŭskaj i štabam Valeryja Capkały i Viktara Babaryki.
Davieranyja asoby Cichanoŭskaj prapanavali ŭsim achvočym zapisacca ŭ naziralniki. A taksama pradstavili volny mikrafon, kab usie mahli vykazacca pra nabalełaje.