Deputatka Pałaty pradstaŭnikoŭ, były ministr infarmacyi Lilija Ananič praciahvaje asvojvać sacyjalnyja sietki. Čarhovy jaje dopis, «žanočyja dumki», jak piša Ananič, pryśviečany abjadnańniu štaboŭ Śviatłany Cichanoŭskaj, Viktara Babaryki i Valeryja Capkały.
«Pakul u dušnych štabach asobnych kandydataŭ kipiać žarści i źbirajucca siły na dziavočnikach, davieranyja asoby kandydata ŭ prezidenty Alaksandra Ryhoraviča Łukašenki družna pajšli da ludziej. Jość što skazać!
«Dziavočniki» — reč dobraja i navat ščyraja. Asabliva kali źbirajucca sapraŭdnyja siabroŭki. U abjadnańnie vypadkovych spadarožnic, jakija jašče i «marać» pra tryumvirat i prymiarajuć na siabie ledź nie nimb Jefrasińni Połackaj, vieryć nielha.
Nienadziejna. Dy i «samazvanstvam» papachvaje. Va ŭsiakim razie, ad bolšaści biełarusaŭ vystupać — vialikaja hanarlivaść!
I jašče. Zaŭsiody ličyła, što hałoŭnaja misija žančyny na ziamli — daryć žyćcio, nieści ŭ śviet pryhažość i harmoniju, stvarać. Na słova «stvarać» moj asablivy akcent. Stvarać, a nie razburać!» — piša Ananič.
Čytajcie taksama:
«Vieranika Capkała — vialikaje adkryćcio». Ale pres-kanfierencyja tryumviratu pakinuła nieadkazanaje pytańnie
Pres-kanfierencyja tryumviratu: asnoŭnyja punkty
