Słuččanka vypała z bałkona na 8-m paviersie doma na vulicy Lenina ŭ rajonie stamatałohii. Heta adbyłosia kala 3:30 ranicy ŭ subotu, 4 lipienia. Pavodle infarmacyi «Kurjera» na ranicu 6 lipienia, dziaŭčyna znachodzicca ŭ balnicy ŭ ciažkim stanie: u jaje šmatlikija pierałomy, zakrytaja čerapna-mazhavaja traŭma i razryŭ lohkich.
Dziaŭčyna z mužam była ŭ haściach. U kampanii, ź jakoj jany vypivali, byli i svajaki.
Paśla zastolla dziaŭčyna pračnułasia nočču i vyjšła pakuryć na bałkon. Jaje muž pajšoŭ śledam. U ich pačaŭsia kanflikt, słuččanka pasprabavała sieści na padakońnik. Adnak muž pieraškodziŭ joj zrabić heta, i kanflikt byŭ vyčarpany.
Paśla hetaha muž vyjšaŭ na kuchniu, a kali viartaŭsia, ubačyŭ, što žonka siadzić na padakońniku śpinaj na vulicu. Jon nie paśpieŭ padbiehčy i ŭtrymać jaje — 23-hadovaja słuččanka zvaliłasia ŭniz.
