Stryječny plamieńnik prezidenta Rasii Uładzimira Pucina Raman Pucin uznačaliŭ partyju «Narod suprać karupcyi». Rašeńnie było pryniata na źjeździe partyi, paviedamlajuć infarmahienctvy.
Raman Pucin. Fota: Vikipiedyja
Pucin byŭ abrany šlacham tajemnaha hałasavańnia staršynioj i lidaram partyi na piać hadoŭ.
Raman Pucin — pradprymalnik, syn stryječnaha brata prezidenta RF Ihara Pucina. Raniej jon byŭ apieratyŭnikam FSB i daradcam hubiernatara Novasibirskaj vobłaści na hramadskich pačatkach.
U maskoŭskaje adździaleńnie partyi jon ustupiŭ 21 červienia 2020 hoda.
U 2017 hodzie partyja «Narod suprać karupcyi» vyznačyłasia tym, što ŭ niekalkich rehijonach vystaviła kandydatami na hubiernatarskich vybarach byłych sasłužboŭcaŭ Pucina.
Hučała mierkavańnie, što heta partyja-spojler, stvoranaja ŭ procivahu fondu Alaksieja Navalnaha, jaki zajmajecca vykryćciom karupcyi ŭ vyšejšych ešałonach rasijskaj ułady.