akorda.kz
Prezident Kazachstana Kasym-Žamart Takajeŭ u režymie videasuviazi pryniaŭ udzieł u cyrymonii adkryćcia pomnika pieršamu prezidentu Respubliki Nursułtanu Nazarbajevu ŭ Nur-Sułtanie. Pra heta piša Tengrinews.kz.
Pomnik ŭźviali ŭ Nacyjanalnym univiersitecie abarony. Takajeŭ nazvaŭ vybar miesca hłyboka simvaličnym aktam, pakolki Uzbrojenyja siły byli stvorany ŭkazam Nazarbajeva.
«Na pačatku niezaležnaści Nursułtan Abišavič Nazarbajeŭ asabista ŭdzielničaŭ u vyrašeńni samych składanych zadač vajennaha budaŭnictva», — skazaŭ Takajeŭ, dadaŭšy, što tolki mocnaja dziaržava z mahutnymi ŭzbrojenymi siłami moža zachavać cełasnaść i aŭtarytet.
Pavodle słoŭ kiraŭnika dziaržavy, mienavita tamu ŭłady praciahvajuć nadavać asablivuju ŭvahu pavyšeńniu bojehatoŭnaści armii i kvalifikacyi kadraŭ.
6 lipienia 2020 hoda Nazarbajevu spoŭnicca 80 hadoŭ. Dzień stalicy, jaki prypadaje na hety dzień, adznačajuć u Kazachstanie jak dziaržaŭnaje śviata.
