Pavodle Łukašenki, ciapier šmatlikija postsavieckija krainy zajzdrościać biełarusam, jakija spakojna prajšli šlach stanaŭleńnia. Pra heta jon zajaviŭ siońnia na ŭračystym schodzie, pryśviečanym Dniu Niezaležnaści, pieradaje BiełTA.
«Siońnia niekatorym karcić, chočacca pieraviarnuć, reform. Tolki chaču vas papiaredzić, što ŭ vyniku hetych reform chtości napre kišeni, a vy znoŭ z kastrulami budziecie chadzić ź viosak u horad-hieroj Minsk. Pahladzicie na Amieryku — vielmi bahataja kraina. Pahladzicie na Zachodniuju Jeŭropu — im što karcić? Pahladzicie, što robicca: apošnija padziei i pandemija sparadzili ŭ Złučanych Štatach Amieryki 60 młn biespracoŭnych, hałodnyja bunty. My nie Amieryka, my nie drukujem dalary. My navat nie Rasija, jakoj niama kudy padzieć vuhlevadarody, zołata i mietały. U nas tolki ruki, mazhi, hałava na plačach. A dla hetaha treba, kab ekanomika ŭsiaho śvietu isnavała, kali ekanomika ŭsiaho śvietu zakryjecca, zakryjemsia i my, tamu što my ekspartna aryjentavanyja, asnoŭnuju syravinu i resursy kuplajem z-za miažy», — dadaŭ Łukašenka.
