Pajšoŭ z žyćcia najstarejšy knihaznaŭca Jaŭhien Niemiroŭski, aŭtar dziasiatkaŭ manahrafij pra knižnaść Siaredniaviečča i Reniesansu. Siarod ich i fundamientalnaja 600-staronkavaja praca «Francysk Skaryna: žyćcio i dziejnaść biełaruskaha aśvietnika» (Minsk, Mastackaja litaratura, 1990), paviedamlaje Sajuz biełaruskich piśmieńnikaŭ na svajoj staroncy ŭ fejsbuku.
Jaŭhien Niemiroŭski naradziŭsia ŭ 1925 hodzie kala Adesy. U 1969 abaraniŭ doktarskuju dysertacyju pra pačatak słavianskaha knihadruku i historyju polskaha Adradžeńnia. U 1973 hodzie staŭ zahadčykam adździełu redkich knih Leninskaj biblijateki ŭ Maskvie, u 1982-m — hałoŭnym navukovym supracoŭnikam Rasijskaj knižnaj pałaty.
Raspačaŭ pracu nad zvodnym katałoham i apisańniem staradrukavanych vydańniaŭ kiryličnaha i hłahaličnaha šryftoŭ, pisaŭ pracy i manahrafii pra słavianski knihadruk, teoryju i historyju suśvietnaha knihadruku, pra Švajpolta Fijola, Ivana Fiodarava, Francyska Skarynu.
