U pryntach kreatyŭnyja dyzajniery ZNWR abyhrali vobrazy, emocyi i kaštoŭnaści Novaj Baravoj. Hałoŭnaj temaj liniejki stali mir, luboŭ, miłyja sercu dvary i adzinstva, jakija kožny z nas pamiataje ź dziacinstva. Usio heta Novaja Baravaja kultyvuje i viartaje siońnia, stvarajučy ŭ svaich kvartałach sučasny biaśpiečny asiarodak i pryjaznuju atmaśfieru. Hetym i dyzajniery natchnialisia.
Usiaho ŭ kalekcyju ŭvajšli čatyry prynty: «All you need is Novaja Baravaja», «Live in Love», «Make my DVOR great again» i «We are one».
«U kampanii «A-100 Deviełapmient» mnohija lubiać i z zadavalnieńniem nosiać vopratku hetaha biełaruskaha brenda. I mahčymaść pracavać nad sumiesnaj kalekcyjaj, pryŭnieści ŭ prynty ZNWR duch Novaj Baravoj — naša daŭniaja mara. Novaja Baravaja — rajon, stvorany z kłopatam pra kožnuju detal. Jaho žychary padtrymlivajuć siabroŭskija suviazi, i nam chaciełasia prapanavać im niešta asablivaje. Budzie vydatna bačyć hetyja rečy na dzieciach i darosłych u Novaj Baravoj i pa ŭsim Minsku», — adznačyli ŭ adździele pa pracy z klijenckimi ŭražańniami «A-100 Deviełapmient».
«Niekatorymi pryntami (naprykład, pryntam «We are one») my chacieli pakazać abjadnańnie nas jak susiedziaŭ. Abyjakavaść nie moža pryvieści nikoha da ščaścia. Da ščaścia nas moža pryvieści tolki haračaje serca, jakoje bjecca va ŭnison sa svabodaj», — skazaŭ Maksim Hanisieŭski, zasnavalnik ZNWR.
U kalekcyju adzieńnia ŭ vulična-spartyŭnym styli ŭvajšli futbołki i chudzi dla žančyn, mužčyn i dziaciej u minimalistyčnym styli ZNWR. Rečy vykanany z bavoŭny i pradstaŭleny ŭ čatyroch kolerach: kapučyna, šery, čorny i bieły.
Liniejka adzieńnia ŭžo ŭ prodažy ŭ suvienirnaj kramie «Tvorčaj prastory» ŭ Novaj Baravoj.
