Były vice-prezident ZŠA Džo Bajden atrymaŭ dastatkovuju kolkaść hałasoŭ delehataŭ dla vyłučeńnia kandydatam na prezidenckich vybarach ad Demakratyčnaj partyi. Pra heta paviedamlaje Associated Press.
Fota ź instahrama Džo Bajdena
Pavodle ahienctva, pa vynikach prajmieryz u Bajdena 1993 hałasy. Kab stać kandydatam u prezidenty ŭ pieršym tury hałasavańnia, jamu nieabchodna było zaručycca padtrymkaj 1991 delehata.
«Dla mianie było honaram spaborničać z adnoj z samych talenavitych hrup kandydataŭ, jakich kali-niebudź vyłučała Demakratyčnaja partyja», — havorycca ŭ zajavie Bajdena.
77-hadovy demakrat Bajden źjaŭlajecca hałoŭnym supiernikam Trampa na vybarach amierykanskaha prezidenta ŭ 2020 hodzie. U pačatku krasavika stała viadoma, što Bajden staŭ adzinym kandydatam Demakratyčnaj partyi paśla vychadu z honki jaho supiernika — sienatara ad Viermonta Bierni Sandersa.
Źjezdy partyj, na jakich buduć aficyjna vyłučany kandydaty, pryznačanyja na žnivień. Vybary prezidenta ZŠA pavinny adbycca ŭ listapadzie.