U hetym hodzie Dzień biełaruskaha piśmienstva adznačać u Białyničach. Tam ciapier idzie dobraŭparadkavańnie da śviata. Praŭda, čamuści šyldy robiać na ruskaj movie.
Adnu ź ich užo źmiaścili na ŭvachodzie ŭ park «Lipavy haj».
Fota z telehram-kanała radio_by
Na abnoŭlenym muziei mastaka Białynickaha-Biruli taksama płanujuć nadpis pa-rusku.
Prajekt rajvykankama
U rajvykankamie kažuć, što taki varyjant u raspracavanym prajekcie. Ale što budzie ŭ vyniku, jany jašče nie vyrašyli.
«Nam užo stali pisać, kab było na biełaruskaj movie. Ale i pryjšoŭ list, kab tolki na ruskaj», — prakamientavała «Našaj Nivie» kiraŭnica adździeła ideałahičnaj pracy, kultury i pa spravach moładzi rajvykankama Ina Ihnatovič.
«Ad kaho list, ad ludziej?»
«Tak, hramadskaja dumka. Kab było tolki na ruskaj movie, bo ŭsie ŭžo zamučylisia ź biełaruskaj. Tamu pytańnie adkrytaje, budziem jašče abmiarkoŭvać. Muziej usiaho tolki na stadyi padmurka».
«Vam padajecca narmalnym, što Dnia biełaruskaha piśmienstva ruskamoŭnyja nadpisy?»
«Razumiejecie, tut dvaistaja situacyja. Dzień piśmienstva budzie ŭ hetym hodzie, a nadpisy zastanucca nazaŭsiody».
Ina Ihnatovič admaŭlaje, što čynoŭniki ihnarujuć biełaruskuju movu: kali buduć mianiać šyldy z nazvami vulic, to zrobiać ich na rodnaj movie.
Da prykładu, adździeł ideałohii paprasiŭ zrabić na kamiani paznaku pa-biełarusku, što ŭ hetym lipavym hai znachodziŭsia majontak Ahinskich.