Kožny nastaŭnik piersanalna adkazvaje za atestacyju školnikaŭ, zajaviŭ ministr adukacyi Ihar Karpienka ŭ čas sustrečy z dyrektarami ŭstanoŭ adukacyi Vałožynskaha rajona, paviedamlaje BIEŁTA.
«Jość narmatyŭnyja dakumienty, jak atestoŭvać školnikaŭ. U nas zaŭsiody nastaŭnik piersanalna adkazvaŭ za atestacyju školnikaŭ kankretnaha kłasa. Niechta pryjšoŭ na zaniatki, niechta maje suviaź z nastaŭnikam pa internecie. I što źmianiła pandemija? Kožny nastaŭnik viedaje svaich vučniaŭ i toje, na što jany zdolnyja, — skazaŭ Ihar Karpienka. — U nas, naprykład, pieršyja-druhija kłasy naohuł nie atestoŭvajucca. U trecich i čaćviortych kłasach jość šerah pradmietaŭ, pa jakich nie idzie atestacyja».
Ministr adznačyŭ, što siońniašniaja sustreča — mahčymaść abmierkavać i ŭźniać tyja pytańni, jakija chvalujuć piedahohaŭ. Razam z tym jon asabliva padkreśliŭ, što škoła vykonvaje ŭskładzienuju na jaje funkcyju, ale heta nie vyklučaje adkaznaści baćkoŭ za adukacyju svajho dziciaci. «Nielha ŭsprymać adukacyju jak niejkuju pasłuhu, jakuju my akazvajem z punktu hledžańnia rynačnych miechanizmaŭ. Nastaŭnik moža vykłaścisia i na 150 pracentaŭ, ale kali dzicia nie zachoča prykłaści peŭnyja namahańni, kab asvoić materyjał, to ničoha nie adbudziecca. Vučoba — heta surjoznaja i adkaznaja praca. Treba mieć siłu voli, być arhanizavanym, sabranym. Tak, škoła pavinna stvaryć umovy, ale nie zamianiać baćkoŭ. Heta siońnia važna danieści da hramadstva», — dadaŭ Ihar Karpienka
