Hruzija budzie prymać zamiežnych turystaŭ z 1 lipienia, u pieršuju čarhu z krain ź nizkim uzroŭniem raspaŭsiudžvańnia karanavirusa i tolki ŭ adpaviednaści ź mižnarodnymi rekamiendacyjami i ŭ ramkach pradpisańniaŭ hruzinskaha Minzdaroŭja. Pra heta zajaviŭ u piatnicu na bryfinhu dyrektar Nacyjanalnaha centra kantrolu za zachvorvańniami Amiran Hamkrelidze, piša Interfax.
«U pieršuju čarhu my budziem prymać turystaŭ z tak zvanych zialonych krain i zialonych transpartnych kalidoraŭ, u jakich uzrovień inficyravańnia nasielnictva COVID-19 adnosna nizki. Zamiežnym turystam buduć z našaha boku pradjaŭlenyja niekatoryja patrabavańni, jakija datyčacca ŭjezdu ŭ Hruziju i ich pieramiaščeńnia pa krainie», — skazaŭ Hamkrelidzie.
Jon adznačyŭ, što patrabavańni da turystaŭ buduć całkam vykanalnymi. U pieršuju čarhu heta tyčycca dakumientaŭ, jakija paćviardžajuć admoŭny test na karanavirus.
«Napeŭna, dla turystaŭ budzie ŭviedzieny tak zvany pašpart COVID-19, jaki paćvierdzić prachodžańnie pravierki na karanavirusnuju infiekcyju łabaratornym testam na praciahu apošnich 72 hadzin», — skazaŭ Hamkrelidze.
