U milicyju źviarnuŭsia minčuk, jaki raspavioŭ, što nieviadomyja pad vyhladam prodažu mabilnaha telefona ŭ Lepieli vymanili ŭ jaho 2300 rubloŭ, piša viciebskaja milicyja.
Vyśvietliłasia, što dva žychary Minska 1995 i 1996 hoda naradžeńnia adhuknulisia na abjavu ŭ internecie ad mužčyny, jaki žadaŭ kupić iPhone 11 Pro Max. Stelefanavaŭšysia, jany prapanavali darahi hadžet pa nizkaj canie. Daviedaŭšysia, što pakupnik źjaŭlajecca minčukom, prapanavali pryjechać pa telefon u Lepiel.
Sam mužčyna jechać admoviŭsia, ale damoviŭsia ź siabram z Navapołacka, jaki pa jaho prośbie pryjechaŭ u Lepiel, sustreŭsia z pradaŭcami, pierakanaŭsia ŭ cełasnaści ŭpakoŭki, najaŭnaści na joj usialakich firmiennych nalepak, addaŭ pieraviedzienuju jamu na kartu sumu hrošaj i adpraviŭ pakupku z kiroŭcam maršrutki ŭ Minsk. Hłybokaje rasčaravańnie spaścihła minčuka adrazu paśla ŭskryćcia niepaškodžanaj upakoŭki. Zamiest telefona tam lažaŭ palimierny pakiet, nabity mankaj.
Złamyśnikaŭ złavili. Jany zatrymany. Jość padstava mierkavać, što padobnuju schiemu mužčyny prakručvajuć užo nie ŭ pieršy raz.
