U intervju z deputatam Pałaty pradstaŭnikoŭ Tenhizam Dumbadze žurnalist «Naša Nivy» pryhadaŭ, što na adnym z pasiadžeńniaŭ parłamienta toj spytaŭsia ŭ ministra achovy zdaroŭja Karanika, ci nie budzie soramna praz dva miesiacy. Ministr adkazaŭ, što nie budzie. Prajšoŭ pakul adzin miesiac. Jak na siońnia deputat aceńvaje dziejańni dziaržavy, Karanika?
«Sam ja skazaŭ Karaniku na tym pasiadžeńni: moža, my nie ŭsio viedajem? Moža, varta biez presy pravieści sustrečy? Moža, nam nie kažuć, a situacyja našmat horšaja?
A jon adkazaŭ mnie tak: «Nam, u adroźnieńnie ad vas, soramna nie budzie».
Ministr achovy zdaroŭja Uładzimir Karanik, fota Nadziei Bužan
Paśla hetaha na mianie niekatoryja čynoŭniki pačali kosa pahladvać, darečy. Ale siońnia jość u mianie pytańni da Karanika», — adkazaŭ dziejny deputat.
Žurnalist paprasiŭ udakładnić, jakija mienavita pytańni jość u Tenhiza Dumbadze da viedamstva.
«Čamuści rost [kolkaści zachvorvańniaŭ] pavialičvajecca, choć šmat jakija miery prymajucca. Ja havaryŭ ź miedykami, zaŭvažna, što idzie charošaja praca, heta hrech nie zaŭvažyć. Ale pytańni jość. Kali my rapartujem, što ŭsio ŭ nas vydatna, — na moj pohlad, nie zusim usio tak», — padzialiŭsia Dumbadze.
