Administracyja prezidenta ZŠA Donalda Trampa daručyła śpiecsłužbam vyśvietlić, ci sapraŭdy Kitaj i Suśvietnaja arhanizacyja achovy zdaroŭja ŭtojvali infarmacyju pra karanavirus, paviedamlaje NBC News.
Na minułym tydni Centralnaje raźviedvalnaje ŭpraŭleńnie, Ahienctva nacyjanalnaj biaśpieki i Raźviedvalnaje ŭpraŭleńnie Pientahona atrymali śpiecyjalnaje «zadańnie» dastać infarmacyju pra pieršyja dni ŭspyški karanavirusa.
Śpiecsłužbam daručyli vyśvietlić, što SAAZ viedaje pra dźvie daśledčyja łabaratoryi pa vyvučeńni karanavirusaŭ u kitajskim horadzie Uchań, dzie ŭpieršyniu byŭ vyjaŭleny hety virus.
Pavodle krynic NBC News, raźviedsłužby razhladajuć scenar, što karanavirus vypadkova vyrvaŭsia z adnoj z łabaratoryj, choć mnohija ekśpierty sumniavajucca ŭ hetym.
