Pra detali rasśledavańnia kryminalnaj spravy ŭ efiry prahramy «Pryčyny i śledstva» na «Radyjo-Minsk» raspaviała aficyjny pradstaŭnik Śledčaha kamiteta Julija Hančarova.
U červieni 2019 hoda 25-hadovaja mahilaŭčanka paviedamiła svajmu maładomu čałavieku, što ciažarnaja. Varta adznačyć, što pry hetym žančyna była ŭ šlubie i mieła dzicia ad aficyjnaha muža.
Spasyłajučysia na toje, što prablemy nie patrebnyja nikomu, jana zapatrabavała ŭ mužčyny hrošaj dla pieraryvańnia ciažarnaści. Toj pieradaŭ joj patrebnuju sumu, ale praź niejki čas uźnikła novaja prośba ab hrašovaj dapamozie. Žančyna śćviardžała, što pry naviedvańni lekara ŭ jaje nibyta vyjaviłasia zachvorvańnie, jakoje da pieraryvańnia ciažarnaści treba vylečyć. A niatannuju pasłuhu akazvajuć vyklučna ŭ Minsku, u adnym z RNPC. Davierlivy partnior znoŭ pieravioŭ joj patrebnuju sumu.
Padobnyja pryčyny ahučvalisia jašče nie adnojčy. Na praciahu niekalkich miesiacaŭ dama atrymała ad 26-hadovaha kachanaha bolš za 5,5 tysiač rubloŭ.
Mužčyna paprasiŭ kachanuju zrabić fota z balnicy. Taja niekalki razoŭ dasłała zdymki, ale, jak vyśvietliłasia paźniej, heta byli budynki i pamiaškańni, jakija nie majuć dačynieńnia da lačebnych ustanovoŭ, dzie jana nibyta lačyłasia.
U momant, kali ŭzrovień niedavieru dasiahnuŭ pika, žančyna dla paćviardžeńnia svaich słoŭ adpraviła fatahrafiju UHD. Fota UHD mužčyna pakazaŭ svajmu znajomamu, a toj znajšoŭ anałahičny zdymak u internecie. Heta i stała padstavaj dla zvarotu ŭ pravaachoŭnyja orhany.
Zaviali kryminalnuju spravu pa artykule «machlarstva». Na momant atrymańnia hrošaj žančyna nie była ciažarnaja.
