U hatel «Dźvina», što ŭ centry Viciebska, zasialajuć miedykaŭ, jakija chočuć na čas pandemii izalavacca ad svaich siemjaŭ, raskazała namieśnica staršyni abłasnoha ŭpraŭleńnia zdaroŭja Viciebskaha abłvykankama Ludmiła Kavalova. Zasialeńnie adbyvajecca vyklučna pa žadańni, piša Svaboda.org.
U svaju čarhu, navapołackich miedykaŭ pasialili ŭ sanatoryj «Naftan».
Na minułym tydni ŭ adnaho z daktaroŭ palikliniki navapołackaha «Naftana» test na karanavirus akazaŭsia stanoŭčy, i jaho źmiaścili na lačeńnie. Naturalna, kantaktavaŭ jon amal z usim kalektyvam. Tamu ŭsio pulmanałahičnaje adździaleńnie haradskoj balnicy — 31 čałaviek — pierasialiłasia ŭ hatel «Naftan».
«Dla miedykaŭ byŭ asobny ŭvachod, jany byli izalavanyja na adnym paviersie, pražyvali ŭ asobnych numarach, im prynosili charčavańnie — dystancyjna absłuhoŭvali. A dniami ich pierasialili ŭ sanatoryj «Naftan», što litaralna za krok ad haradskoj balnicy, transpart tam niepatrebny», — skazała dyrektarka hatela.
