Daktary dyjahnastavali COVID-19 u namieśnika Kijeva-Piačerskaj łaŭry mitrapalita Paŭła (Lebiedzia). Pra heta 5 krasavika paviedamiŭ carkoŭny partał «Relihijnaja praŭda» sa spasyłkaj na svaje krynicy ŭ asiarodździ mitrapalita, piša Radyjo Svaboda.
Pavodle krynic vydańnia, try dni tamu mitrapalitu stała horš, jon zdaŭ analizy i ŭ jaho dyjahnastavali karanavirus.
Raniej, 4 krasavika, na sajcie Kijeva-Piačerskaj łaŭry źjaviłasia infarmacyja ab tym, što ŭsie nabaženstvy buduć adbyvacca ŭ zakrytym režymie, biaz dopusku viernikaŭ. Taksama na sajcie manastyra apublikavali paviedamleńnie ab praviadzieńni testaŭ na karanavirus siarod manachaŭ. Udakładniajecca, što analizy zdaŭ i mitrapalit Pavieł, a ŭsie pamiaškańni manastyra apracavali dezinfikujučymi rastvorami.
Za dzień da hetaha, 3 krasavika, relihijny partał Kriedo. ru sa spasyłkaj na ŭłasnaha karespandenta paviedamiŭ, što na terytoryi łaŭry vyjaŭlenaja ŭspyška infekcyi, kala 10 manachaŭ znachodziacca ŭ lazarecie, a traich manachaŭ špitalizavali ŭ Alaksandraŭskuju balnicu Kijeva z symptomami pneŭmanii i padazreńniem na karanavirus.
Niekalki tydniaŭ tamu na jutub-kanale Kijeva-Piačerskaj łaŭry byŭ apublikavany videazvarot mitrapalita Paŭła.
«Ničoha nia bojciesia… maliciesia, paścicie, chadzicie ŭ chram, pryčaščajciesia i pryčaščajcie maleńkich dziaciej. Nie hladzicie, starejšaje pakaleńnie, małodšaje pakaleńnie — usie śpiašajciesia ŭ chram!» — zaklikaŭ Pavieł viernikaŭ.