FOTO: MICHAL ŠULA, MAFRA
Kolkaść dyjahnastavanych vypadkaŭ zaražeńnia karanavirusam novaha typu ŭ Čechii ŭzrasła za apošnija sutki. Pra heta prainfarmavała ŭ čaćvier nacyjanalnaje ministerstva achovy zdaroŭja, piša TASS.
U sieradu było vyjaŭlena 110 novych vypadkaŭ zaražeńnia karanavirusam. Kolkaść infikavanych da ranicy čaćviarha składała ŭžo 572.
U piaciarych chvaroba COVID-19 vyjaviłasia ŭ poŭnuju siłu. Ich stan aceńvajecca jak «vielmi ciažki» ci «krytyčny». Jany padklučanyja da aparataŭ štučnaj vientylacyi lohkich i padtrymki cyrkulacyi kryvi ŭ arhaniźmie.
Asablivy niepakoj Ministerstva achovy zdaroŭja vyklikaje zdaroŭje pažyłych hramadzian respubliki, dla jakich karanavirus ujaŭlaje najbolšuju pahrozu.
Z čaćviarha dla hramadzian, starejšych za 65 hadoŭ, ustanoŭleny śpiecyjalnyja hadziny pakupki praduktaŭ charčavańnia ŭ kramach, a z paniadziełka dla ich zapuskajecca admysłovy ahulnanacyjanalny zabaŭlalny telekanał.
Na im buduć tranślavacca lubimyja filmy i pieradačy pažyłych ludziej. Ułady nastojliva rekamiendavali im nie pakidać damy ŭ pieryjad raspaŭsiudžvańnia infiekcyi.
