Alaksandru Łukašenku ŭnieśli na razhlad prajekt ukaza ab stymulavańni vykarystańnia elektramabilaŭ. Heta pytańnie razhladajecca na naradzie kiraŭnika dziaržavy z kiraŭnictvam Saŭmina, piša BiełTA.
Na dumku kiraŭnika dziaržavy, raźvićcio elektratranspartu ŭ krainie nie atrymlivaje naležnaha impulsu. A niavyznačanaść z canoj na naftu i adpaviedna na paliva dakazvaje, što elektratranspart maje kałasalny patencyjał, adznačyŭ jon. «Heta nie prosta danina modzie abo imknieńnie nie adstać ad pieradavych krain, choć i heta tak. Heta nadzionnaja nieabchodnaść užo siońnia», — zajaviŭ jon.
Mnohija dziaržavy ŭžo raźvivajuć hety pierśpiektyŭny napramak. «Krainy, takija jak my, ekspartna aryjentavanyja, jakija nie majuć pad ziamloj vielizarnych zapasaŭ, daŭno zaryjentavalisia na elektratranspart. A nam i sam boh nakanavaŭ.
My zaŭtra-paślazaŭtra ŭvodzim dva błoki atamnaj elektrastancyi, — skazaŭ jon. — My možam bolš vyrabić elektraenierhii. Dyk čamu my nie robim siońnia, z zapasam pa časie, kren da elektratranspartu, da bolšaha spažyvańnia elektraenierhii? Heta zamiena vuhlevadarodam».
Alaksandr Łukašenka adznačyŭ, što navat na asabistym prykładzie ŭžo demanstravaŭ mahčymaści elektramabila. «Nie dla taho, kab pakazacca ŭ aŭtamabili ci pakazać novy aŭtamabil.
Nie, ja padšturchoŭvaŭ vas i ŭsio hramadstva da taho, što na heta treba aryjentavacca», — rastłumačyŭ jon.
Kiraŭnik dziaržavy taksama nahadaŭ pra daručeńnie Nacyjanalnaj akademii navuk pa stvareńni ajčynnaha elektramabila.
