Kancern «Biełnaftachim» aceńvaje situacyju z cenami na rynku nafty dla pryniaćcia dalejšych rašeńniaŭ ab zakupkach, paviedamiŭ BiełTA pres-sakratar «Biełnaftachima» Alaksandr Ciščanka.
«Situacyja na naftavym rynku ŭ paniadziełak źmianiłasia. Ale my hetyja akaličnaści nie farsirujem, a vyvučajem. Klučavoj stanie reakcyja asnoŭnych hulcoŭ. Saudaŭskaja Aravija hatova źnižać ceny, astatnija hulcy naftavaha rynku taksama mohuć zreahavać. Zychodziačy z hetaha možna budzie ŭžo vyznačacca (pa zakupkach nafty)», — skazaŭ Alaksandr Ciščanka.
Pavodle jaho słoŭ, mahčymaści dla kupli nafty dla biełaruskich NPZ ciapier jość, ale treba ŭličyć reakcyju hulcoŭ naftavaha rynku i supastavić roznyja prapanovy.
Jak paviedamlałasia, suśvietnyja ceny na naftu rezka źnizilisia paśla taho, jak krainy APIEK+ pa vynikach pieramoŭ u Vienie nie zmahli damovicca ab dadatkovym skaračeńni zdabyčy nafty va ŭmovach padzieńnia popytu z-za karanavirusa.
Ceny na naftu abrynulisia da 31 dalara: na 30%
Dalar padskočyŭ adrazu na 11 kapiejek da 2,35 biełaruskaha, a jeŭra ŭžo 2,67
