Mižnarodnaja fiederacyja chakieja (IICHF) aficyjna abvierhła mahčymaść pieranosu čempijanatu śvietu-2020 sa Šviejcaryi ŭ inšuju krainu, paviedamili BiełTA ŭ pres-słužbie FCHRB.
Apošnim časam u ŚMI źjaviłasia infarmacyja pra mahčymy pieranos ČS sa Šviejcaryi ŭ inšuju krainu ŭ suviazi z karanavirusam. Naprykład, u Rasiju ci navat Biełaruś.
Pa słovach pres-sakratara IICHF Adama Stajsa, jaki adkazaŭ na zapyt biełaruskaha boku, varyjant pieranosu turniru ŭ Biełaruś nie razhladajecca. Mižnarodnaja fiederacyja chakieja pa-raniejšamu płanuje pravodzić spabornictvy ŭ Šviejcaryi.
Pryčym Biełaruś nie źviartałasia ŭ IICHF z prapanovaj pryniać u siabie čempijanat śvietu 2020 hoda.
Nahadajem, što ŭ nastupnym hodzie čempijanat śvietu projdzie ŭ Biełarusi i Łatvii.
