Jury Hancevič.
Sud Čyhunačnaha rajonu Homla pakaraŭ błohiera-fermera Juryja Hanceviča štrafam u 81 rubiel za drobny kradziež. Pavodle pratakołu milicyi, były kandydat u deputaty skraŭ u kramie budaŭničych materyjałaŭ vuhałki, izastužku i špinhalety, piša Radyjo Svaboda.
«Ja pryznaŭ vinu ŭ kradziažy, bo chacieŭ chutčej da svaich žyvioł, u mianie ich kala vaśmidziesiaci. Nie chacieŭ, kab jany raŭli ad hoładu ci pamirali», — patłumačyŭ Hancevič.
Fermer letaś balatavaŭsia ŭ Pałatu pradstaŭnikoŭ i zapomniŭsia šeraham ekzatyčnych pikietaŭ, na jakija pryvodziŭ karoŭ i koz. Paśla vybaraŭ Hancevič zavioŭ svoj videabłoh u YouTube.
23 lutaha jaho zatrymali ŭ kramie budaŭničych materyjałaŭ u Homli. Fermera abvinavacili ŭ drobnym kradziažy izastužki i vuhałkoŭ i zavieźli ŭ izalatar časovaha ŭtrymańnia da sudu.
Sud u paniadziełak adkłali, bo Hanceviču zrabiłasia błaha. U aŭtorak prajšło pasiedžańnie. Sud pakaraŭ jaho pa dvuch pratakołach za drobny kradziež štrafam u try bazavyja vieličyni.
«Ja pryznaŭ vinu tolki pa adnym pratakole, za padziei 23 lutaha. Druhi pratakoł byŭ za toje, što ja nibyta 8 lutaha taksama tam niešta skraŭ — špinhalety ci piatlički dla budaŭnictva. Ja pryznaŭ vinu, bo nie chacieŭ siadzieć 15 sutak. U mianie doma kala vaśmidziesiaci žyvioł — chto ich budzie dahladać, kali jany buduć raŭści na ŭsiu viosku? Ja i tak straciŭ dvuch jahniat, pakul siadzieŭ u izalatary. Bo ludzi nia ŭmieli ich dahladać, i jany zdochli», — patłumačyŭ svaju pazycyju fermer.
Błohier nie baicca, što praz takija padziei budzie mieć nehatyŭnuju reputacyju. «Mnie maje vosiemdziesiat žyvioł važniejšyja, čym reputacyja», — dadaŭ fermer.
Jon zaŭvažaje, što izastužku i vuhałki mahli jamu padkinuć nieviadomyja, «kab złavić chajp ci kab adpomścić mnie za videa», i śćviardžaje, što ŭ kramie kala jaho «krucilisia niejkija ludzi».
