Kitajskija ŭłady pryniali rašeńnie abmiežavać abaračeńnie starych kupiur na tych terytoryjach, jakija bolš za ŭsio paciarpieli ad karanavirusa. Ich buduć dezynfikavać i adpraŭlać na dvuchtydniovy karancin. Pra heta paviedamlaje Bloomberg sa spasyłkaj na namieśnika staršyni Narodnaha banka Kitaja Fan Ifeja. Piša Tut.by.
Kab strymać raspaŭsiudžvańnie zachvorvańnia, Kitajski centrabank płanuje paskoryć miery pa abiezzaražvańni starych banknot, na jakich moža zachoŭvacca virus. U pryvatnaści, hrošy buduć apracoŭvać ultrafijaletam abo vysokimi tempieraturami, a potym adpraŭlać na 14-dzionny «karancin». Paśla hetaha hrošy znoŭ mohuć być vypuščanyja ŭ abaračeńnie. Taksama kitajskim bankam parekamiendavali asobna prymać najaŭnaść, jakaja pastupiła z balnic i praduktovych rynkaŭ.
U pravincyju Chubej, jakaja źjaŭlajecca epicentram raspaŭsiudžvańnia karanavirusa, taksama pieradaduć novyja banknoty na sumu 600 miljardaŭ juaniaŭ (kala 85,9 miljarda dalaraŭ).
Raniej navukoŭcy vyśvietlili, što karanavirusy mohuć zachoŭvacca na «niežyvych» pavierchniach da dzieviaci dzion. Adnak stojkaść kitajskaha karanavirusa, jaki atrymaŭ nazvu COVID-19, dakładna pakul nieviadomaja.
