handball.by
Našym handbalistam, kab trapić u top-8 čempijanatu Jeŭropy i zachavańnia šancaŭ na alimpijskuju kvalifikacyju nieabchodna było pieramahać aŭstryjcaŭ, jakich, u svaju čarhu, zadavalniała i ničyja.
Biełarusy zhulali ŭničyju 36:36. Pryčym na apošniaj siekundzie sudździ admianili hoł biełarusaŭ. U kancy matča taksama było niamała momantaŭ, dzie vyklikała pytańni praca sudździaŭ.
Taksama treba dziela spraviadlivaści skazać, što biełarusy ŭ druhoj pałovie druhoha tajma viali +4, ale nie zdoleli dacisnuć supiernikaŭ.
Hrupa 1: Ispanija — 9, Charvatyja — 9, Niamieččyna — 4 (4 hulni), Aŭstryja — 3, Biełaruś — 3, Čechija — 0 (4).
Siońnia viečaram hulajuć Niamieččyna i Čechija. Biełaruś znachodzicca nižej za Aŭstryju, bo ŭ tych lepšaja roźnica miačoŭ. U Aŭstryi minus 17, u nas minus 22. Heta nastupstvy biazzubaj hulni suprać niemcaŭ i ŭ druhim tajmie suprać ispancaŭ.
U vyniku na ČIE (z ulikam vynikaŭ druhoj hrupy), u nas budzie 9-je ci 10-je miescy.
U pieradalimpijski kvalifikacyjny turnir biełarusy nie traplajuć.
U paŭfinał z našaj hrupy vyjšli Ispanija i Charvatyja, Niamieččyna zhulaje ŭ matčy za 5-je miesca.
Na ČIE biełarusy vyjhrali try matčy (Sierbija, Čarnahoryja, Čechija), prajhrali ŭ troch (Charvatyja, Niamieččyna, Ispanija).
