Prezident ZŠA Donald Tramp zajaviŭ, što zabity iranski hienierał Kasiem Sulejmani byŭ «terarystam numar adzin u śviecie».
«Minułaj nočču pa maim zahadzie amierykanskija ŭzbrojenyja siły paśpiachova nanieśli biezdakorny vysokadakładny ŭdar, u vyniku jakoha byŭ zabity teraryst numar adzin va ŭsim śviecie — Kasiem Sulejmani… Sulejmani rychtavaŭ niepaźbiežnyja i žudasnyja napady na amierykanskich dypłamataŭ i vajskoŭcaŭ. My złavili jaho na haračym i likvidavali», — zajaviŭ Tramp.
Taksama Tramp zajaviŭ, što ŭłady ZŠA likvidavali Sulejmani, kab spynić vajnu ź Iranam, a nie dla taho, kab jaje pačać. Amierykanski lidar adznačyŭ, što Sulejmani mieŭ dačynieńnie da hibieli miljonaŭ čałaviek.
«Jaho praŭleńnie teroru skončana», — skazaŭ prezident.
Tramp zajaviŭ, što ZŠA nie damahajucca źmieny režymu ŭ Iranie.
