Premjer-ministr Ukrainy Alaksiej Hančaruk zajaviŭ ab tym, što ŭ 2023 hodzie ŭkrainskaja enierhasistema pavinna stać častkaj jeŭrapiejskaj enierhasistemy, paviedamlaje «Śohodni».
«Nieabchodnyja dakumienty ŭžo padpisanyja, prosta treba nad hetym pracavać. My spadziajomsia, što ŭ 2023 hodzie hetaje abjadnańnie sietak, ukrainskaj i jeŭrapiejskaj, užo adbudziecca. Heta daść nam mahčymaść, u tym liku i našaj atamnaj hienieracyi, navat ekspartavać elektraenierhiju i na hetym zarablać. Zaraz, nasamreč, prablema ekspartu ź Biełarusi značna pierabolšanaja. Ščyra kažučy, tam nie takija vialikija abjomy», — skazaŭ premjer-ministr Ukrainy.
Pa słovach premjera Hančaruka, ukrainskaja enierhasistema doŭhi čas była sumieščana z rasijskaj, ź biełaruskaj i małdoŭskaj. Adnak dałučeńnie Ukrainy da jeŭrapiejskaj enierhasistemy praduhledžvaje admovu ad adzinaj enierhasistemy z Rasijaj i Biełaruśsiu.
«Dla taho, kab dałučycca da jeŭrapiejskaj sietki, nam pryjdziecca adrezacca ad rasijskaj i biełaruskaj. My ad hetaha nikudy nie padzieniemsia, i heta histaryčnaje rašeńnie ŭžo pryniata. Heta značyć, da hetaha my ŭžo pastupova imkniomsia», — dadaŭ ukrainski premjer Alaksiej Hančaruk.
