U sučasnym śviecie mastactva hraje vialikuju rolu ŭ mižnarodnaj dypłamatyi, adkryvaje novyja mahčymaści dla ŭmacavańnia družalubnych suviaziaŭ pamiž narodami i dziaržavami. Pra heta Alaksandr Łukašenka zajaviŭ padčas Vienskaha balu, jaki ŭpieršyniu prachodzić u zale ŭračystych cyrymonij Pałaca Niezaležnaści, pieradaje BIEŁTA.
Kiraŭnik dziaržavy nahadaŭ, što hod tamu ŭ Pałacy Niezaležnaści adbyŭsia pieršy respublikanski navahodni bał, i takim čynam była adrodžana adna z samych pryhožych tancavalnych tradycyj, blizkich dla biełarusaŭ, jakija na praciahu mnohich stahodździaŭ žyli i raźvivalisia ŭ samym sercy ahulnajeŭrapiejskaj kultury.
«Va ŭsie časy pałacy źjaŭlalisia centram palityčnaha i śvieckaha žyćcia, dzie mastactva na samym vysokim uzroŭni supravadžała mnohija pratakolnyja mierapryjemstvy. I ŭ sučasnym śviecie jano hraje vialikuju rolu, asabliva ŭ mižnarodnaj dypłamatyi. Adkryvaje novyja mahčymaści dla ŭmacavańnia družalubnych suviaziaŭ pamiž narodami i cełymi dziaržavami, — adznačyŭ Alaksandr Łukašenka. - Voś i siońnia, vykonvajučy pierajemnaść pravieranaha časam palityčnaha etykietu, my pravodzim u našym pałacy (Pałacy Niezaležnaści) pieršy ŭ historyi sučasnaj Biełarusi Vienski bal
