U Łunincy dva lehkavyja aŭtamabili sutyknulisia na skryžavańni, adzin ź ich źbiŭ 35-hadovuju žančynu, jakaja pierachodziła ŭ hety čas darohu pa-za piešachodnym pierachodam, paviedamlaje DAI UUS Bresckaha abłvykankama.
Avaryja adbyłasia siońnia kala 9.47. Pavodle papiaredniaj infarmacyi, 66-hadovy kiroŭca «Ford Hełaksi» ruchaŭsia pa druhasnaj darozie vulicy 17 vieraśnia. Na skryžavańni z vulicaj 50 hod Kastryčnika jon nie sastupiŭ darohu 27-hadovaj dziaŭčynie, jakaja kiravała «Piežo 407». Ad udaru «Ford» adkinuła naprava, z-za čaho paciarpieła žančyna. Jana ruchałasia praz skryžavańnie pa dyjahanali. Avaryja patrapiła ŭ abjektyŭ kamiery videanazirańnia.
«U vyniku DTZ piešachoda z traŭmami špitalizavali», — adznačyli ŭ DAI.
0
0
0
0
0
0
