Pasoł Biełarusi ŭ Rasii Uładzimir Siamaška paviedamiŭ siońnia žurnalistam niekatoryja padrabiaznaści ab raźviazkach, znojdzienych kiraŭnikami Biełarusi i Rasii 7 śniežnia ŭ Sočy, pa pytańniach źniaćcia najaŭnych abmiežavańniaŭ na pastaŭki biełaruskich praduktaŭ charčavańnia ŭ Rasiju, pieradaje BIEŁTA.
«Paśla dosyć praciahłaha abmierkavańniapr Uładzimir Pucin pahadziŭsia z tym, što prerahatyva abo prava začyniać, da prykładu, miasakambinaty, małakazavody pavinna naležać hałoŭnamu vieterynarnamu doktaru Biełarusi: jon pavinien raźbirać, što tak, što nie tak, — raspavioŭ Uładzimir Siamaška. - I kali paŭstanuć sprečnyja niejkija pytańni, to heta pavinna vynosicca navierch, naprykład, na ahulnuju kalehiju Minsielhascharča Biełarusi i Minsielhasa Rasii. A, moža być, treba stvaryć u Jeŭrazijskaj ekanamičnaj kamisii niejki taki orhan. Ale vyrašyli lepš pakul na dvaich».
Pasoł adznačyŭ, što ciapier baki pavinny dakumientalna zamacavać dasiahnutyja damoŭlenaści. «Kab heta było nie prosta na słovach, a na papiery — vyrazna, vyvierana, jak pavinien pracavać hety miechanizm», - padkreśliŭ jon.
Uładzimir Siamaška dadaŭ, što heta rabota pavinna być zavieršana da sustrečy kiraŭnikoŭ Biełarusi i Rasii, pryznačanaj na 20 śniežnia ŭ Sankt-Pieciarburhu.
