U apieratyŭna-dziažurnuju słužbu Maładziečanskaha RAUS źviarnuŭsia 23-hadovy žychar vioski Vazhieły. Małady čałaviek paviedamiŭ, što dniom kala čyhunačnaj stancyi «Dubravy» nieviadomy skraŭ jaho aŭtamabil Mazda barvovaha koleru.
Pravaachoŭniki vybyli pa mierkavanym maršrucie ruchu złodzieja. Aŭtamabil znajšli ŭ haradskim pasiołku Radaškavičy pa vulicy 3-ha lipienia. Padazravanaha milicyjaniery zatrymali ŭ lesie, niedaloka ad kinutaj lehkavuški. Jaho dastavili dla razboru ŭ RAUS.
Złamyśnikam akazaŭsia biespracoŭny 29-hadovy adnaviaskoviec zajaŭnika. Na rachunku mužčyny piać sudzimaściej za anałahičnyja złačynstvy. Niećviarozy fihurant rastłumačyŭ, što ŭ toj dzień jon nakiroŭvaŭsia ŭ viosku Praleski za śpirtnym. Płanavaŭ dabiracca na elektryčcy, ale vyrašyŭ, što daroha zojmie šmat času.
Tady jon zaŭvažyŭ nahladna znajomy aŭtamabil Mazda. Akazałasia, uładalnik mašyny niejak užo padvoziŭ viaskoŭca. Złamyśnik tuzanuŭ za ručku dźviarej aŭtamabila — jana adčyniłasia. U lehkaviku nie pracavaŭ centralny zamok. Pry dapamozie nieskładanych manipulacyj uhonščyk zavioŭ aŭtamabil.
Na bližejšaj AZS pablizu Dziakkšnianaŭ mužčyna nabyŭ paliva i ałkahol. Ale prajechaŭ niadoŭha. Na vulicy 3-ha lipienia ŭ Radaškavičach mašyna zahłuchła, bo byŭ niaspraŭny paliŭny bak. Mužčyna, sprabujučy likvidavać niepaładki, pryciahnuŭ uvahu kiroŭcaŭ, što prajazdžali mima. Tady jon spałochaŭsia i vyrašyŭ schavacca les.
Fihuranta źmiaścili ŭ izalatar časovaha ŭtrymańnia. U dziejańniach padazravanaha pravaachoŭniki bačać prykmiety składu złačynstva, praduhledžanaha č. 2 art. 214 KK Respubliki Biełaruś (Kradziež transpartnaha srodku). Parušalniku pahražaje ad dvuch da šaści hadoŭ pazbaŭleńnia voli.
