Fota Siarhieja Hudzilina
Staršynia CVK vystupiła za toje, kab tudy mieli dostup tolki supracoŭniki akredytavanych pry MZS i «centralnych» ŚMI, piša Radyjo Svaboda.
Staršynia Centralnaj vybarčaj kamisii Lidzija Jarmošyna 24 vieraśnia na pasiedžańni kamisii vykazałasia pra žurnalistaŭ, jakim dazvolać pracavać u śpiecyjalnym pres-centry. Jaho tradycyjna stvarajuć padčas parłamienckich i prezidenckich vybaraŭ.
«Z žurnalistami, jakija pracujuć na zamiežnyja miedyi, usio zrazumieła. Jany akredytujucca praź Ministerstva zamiežnych spraŭ. A što rabić z našymi? Prapanuju prapuskać tolki pradstaŭnikoŭ centralnych miedyj. Bo kali my dazvolim uvachod i pradstaŭnikam rajonnych haziet, to ŭsim nie chopić miesca.
Jašče ž jość błohiery. A kožny ź ich ličyć siabie srodkam masavaj infarmacyi. Ja dniami adkryła na svaim kampjutary partał Tut.by. Zacikaviŭ materyjał pra znakamitych ludziej i ich chatnich ulubioncaŭ. I chto vy dumajecie, hetyja znakamityja ludzi? Adny błohiery!»
Čalcy CVK adnahałosna vykazalisia za toje, kab dostup u Pałac Respubliki, dzie tradycyjna mieścicca vybarčy pres-centr, atrymali tolki pradstaŭniki centralnych biełaruskich medyjaŭ.
