Prezident Vieniesueły Nikałas Madura prybyŭ u Rasiju. Pra heta jon napisaŭ u tvitary, apublikavaŭšy fatahrafii ź miesca jaho sustrečy ŭ aeraporcie.
«My prybyli na rasijskuju radzimu, kab umacavać našy histaryčnyja i vielmi pazityŭnyja ŭzajemaadnosiny i pavahu pamiž našymi narodami», — napisaŭ jon.
Pavodle jaho słoŭ, brackija adnosiny, jakija Maskva i Karakas pabudavali za hady, «źjaŭlajucca fundamientalnaj vośsiu dla budaŭnictva kvitniejučaj budučyni Vieniesueły».
Raniej vieniesuelski lidar adznačyŭ, što ŭ čas vizitu ŭ Rasiju sustreniecca z prezidentam Uładzimiram Pucinym, a taksama rasijskimi pradprymalnikami. Pavodle jaho słoŭ, baki majuć namier abmierkavać dynamiku dvuchbakovych adnosinaŭ, a taksama znajści novyja mietady aktyvacyi ŭzajemadziejańnia ŭ halinie ekanomiki, sacyjalnaj śfiery i kultury.
