Z 2 vieraśnia ŭ Lidskim rajonie pablizu vioski Dakudava pracujuć vajskoŭcy inžynierna-sapiornaha bataljona vajskovaj čaści 51171, jakaja znachodzicca ŭ Hrodnie. Jany vykonvajuć ačystku terytoryi ad vybuchovaniebiaśpiečnych pradmietaŭ.
Nieŭzabavie tut pačnucca raboty pa zdabyčy torfu, i kab zrabić praces bolš biaśpiečnym, pierad jaho pačatkam hetuju miascovaść abśledujuć sapiory.
Jak raspaviadajuć miascovyja žychary, u 60-ch hadach u hetym miescy raźmiaščaŭsia palihon adnoj z vajskovych čaściej. Heta tłumačyć toj fakt, što padčas ačystki terytoryi vajskoŭcy inžynierna-sapiornaha bataljona znachodziać tolki snarady savieckaj vytvorčaści. Za čas svajoj pracy, jakaja budzie doŭžycca jašče dva dni, tut vyjavili bolš za sto dvaccać vybuchovaniebiaśpiečnych pradmietaŭ.
