Bank Dabrabyt vypuściŭ ułasny stykierpak dla telehrama. Hierojem nabora stykieraŭ stała bahoŭka Jeva.
«Usio pačałosia ź dzirki ŭ ścianie: u hałoŭnym ofisie my zdymali padčas rebrendynhu stary łahatyp «Bank Maskva-Minsk», a novy «Bank Dabrabyt» nie supaŭ pa pamierach, pakinuŭšy bačnymi staryja adtuliny. Treba było terminova zamaskiravać hetyja «artefakty». I tut vypadkova nam pryjšła dumka pra maleńkich bahovak, što pradajucca ŭ kramach kancylarskich tavaraŭ. I jana idealna spraviłasia z zadačaj. Zamiest dzirki ŭ ścianie ŭ Banka Dabrabyt źjaviŭsia svoj maleńki hieroj», — raskazvaje Darja Vodčyc, supracoŭnica banka.
Bahoŭcy navat dali imia — Jeva.
«Hety vobraz cudoŭna adpaviadaje kaštoŭnaściam banka. Usie my ź dziacinstva pamiatajem vieršyk «Bahoŭka, bahoŭka, palaci na niebka, pryniasi nam chlebka…». Heta ž jakraz pra dabrabyt — siamiejnuju ŭtulnaść, kłopat pra blizkich, dastatak. Tamu my ŭ banku i vyrašyli zrabić hetuju miłuju istotu svaim hierojem i talismanam. A kab jana vyhladała pryvabna, zaprasili adno z najlepšych biełaruskich dyzajn-ahienctvaŭ Asterman namalavać našuju novuju siabroŭku», — tłumačyć Darja.
Pieršym prajektam ź Jevaj staŭ stykierpak u telehramie. Spampavać jaho možna pa spasyłcy t.me/addstickers/EvaDabrabyt.
Nadalej Jeva budzie ŭpryhožvać saboj adździaleńni Banka Dabrabyt.
