Fota Nadziei Bužan
Siaredniasutačnyja tempieratury na 2-4 hradusy pieravyšajuć klimatyčnuju normu, što bolš adpaviadaje siaredzinie žniŭnia. Tak ciopła ŭ pieršaj dekadzie vieraśnia ŭ Biełarusi byvaje adzin raz u 10—15 hadoŭ. Pra heta TUT.BY paviedamili ŭ Biełhidramiecie.
U aŭtorak, 10 vieraśnia, u asobnych rajonach projduć karotkačasovyja daždžy, dzie-nidzie z navalnicami. Viecier paŭdniova-ŭschodni, paŭdniovy paryvisty. Nočču + 10 … + 16°S, maksimalnaja dniom + 21 … + 27°S. U Minsku — +23—25°S.
U sieradu pieravažna biez apadkaŭ, tolki ŭ asobnych rajonach pa poŭnačy Biełarusi karotkačasovyja daždžy. Dniom + 20 … + 26°S, pa paŭdniovym uschodzie da + 28°S. U Minsku — +21—23°S
12 vieraśnia, u čaćvier, pieravažna biez apadkaŭ. Nočču + 7 … +14°S, maksimalnaja dniom ad + 20°S pa paŭnočnym zachadzie da + 28°S pa paŭdniovym uschodzie. U Minsku — +21—23°S.
13 vieraśnia, u piatnicu, dniom + 18 … + 25°S, u Minsku — +18—20°S.
Na hetyja vychodnyja situacyja ŭ atmaśfiery źmienicca. U chałodnym pavietry ŭtvorycca cykłon i jaho atmaśfierny front, ssoŭvajučysia praz našu krainu, stanie adciskać ciopłaje pavietra za miežy Biełarusi. Pačniecca pachaładańnie.
U subotu, 14 vieraśnia, tempieratura pavietra minimalnaja nočču + 6 … + 12°S, miescami da + 14°S, maksimalnaja dniom + 13 … +18°S, pa paŭdniovym uschodzie kala 20°C. U Minsku — +14—16°S.
U niadzielu dniom budzie ŭžo + 10 … + 17°S. Adčuvańnie chałodnaha vosieńskaha nadvorja pahoršyć paryvisty zachodni, paŭnočna-zachodni viecier.
