«Heta vielmi značny krok, vysakarodnaja sprava. My ščyra hetamu rady, pierš za ŭsio, pa-čałaviečy. Ludzi viernucca da svaich rodnych i blizkich — što moža być važniejšym?» — adznačyŭ pres-sakratar Ministerstva zamiežnych spraŭ Biełarusi Anatol Hłaz.
Adpaviedny kamientar źjaviŭsia na staroncy MZS u fejsbuku.
«Humanitarny praces zrušyŭsia ź miortvaj kropki. Baki naŭprost dasiahnuli damoŭlenaści ab abmienie. My ličym, što heta vielmi stanoŭčyja zruchi, kankretnaje dziejańnie, vykanańnie važnaha punkta Minskich pahadnieńniaŭ. I my heta horača vitajem», — adznačajecca ŭ kamientary.
«My spadziajemsia, što heta pazityŭny ruch praciahniecca i ŭ kančatkovym vyniku pryviadzie da hałoŭnaha vyniku - miru! Biełaruś rabiła i budzie rabić dla hetaha ŭsio što ad jaje zaležyć», — padsumavaŭ Anatol Hłaz.
U subotu, 7 vieraśnia, pamiž Ukrainaj i Rasijaj byŭ praviedzieny abmien viaźniami.
Ukrainski samalot zabraŭ ukraincaŭ z Maskvy i palacieŭ u Kijeŭ, a rasijski samalot z Kijeva palacieŭ u Maskvu. Usio adbyvałasia adnačasova.
Jak vyzvalenych ukraincaŭ sustrakali ŭ Kijevie, a jak — rasijan u Maskvie DVA VIDEA
