Prezident ZŠA Donald Tramp sprabuje prymusić prezidenta Ukrainy Uładzimira Zialenskaha ŭmiašacca ŭ prezidenckija vybary ŭ ZŠA, jakija pavinny adbycca ŭ 2020 hodzie, piša Washington Post.
Pa viersii vydańnia, Uładzimir Zialenski pavinien spryjać raźvićciu rasśledavańnia, adkrytaha va Ukrainie ŭ dačynieńni da supiernika Trampa pa prezidenckaj honcy — Džo Bajdena. Taksama paviedamlajecca, što pierahlad vajennaj dapamohi dla Ukrainy byŭ sprobaj šantažu ŭkrainskaha lidara.
Asabisty advakat Trampa Rudolf Džulijani, jaki sustrakaŭsia ź blizkim partnioram ukrainskaha prezidenta, paraiŭ novaabranamu ŭradu adnavić rasśledavańnie suprać Džo Bajdena i jaho syna.
Nahadajem, u sakaviku 2019 hoda hienieralny prakuror Ukrainy Juryj Łucenka adnaviŭ rasśledavańnie suprać kampanii biznesmiena Mikałaja Złačeŭskaha Burisma, dzie raniej pracavaŭ Chanter Bajden, syn byłoha vice-prezidenta ZŠA Džozefa Bajdena — vierahodnaha kandydata ŭ prezidenty Złučanych Štataŭ ad Demakratyčnaj partyi.
