president.gov.by
Padčas naviedvańnia Bresta Alaksandr Łukašenka zakranuŭ i ekanamičnyja prablemy, paviedamlaje jaho pres-słužba.
U pryvatnaści, kiraŭnik krainy pryvioŭ u prykład dziejańni Rasii pa budaŭnictvie Paŭdniovaha i Paŭnočnaha patokaŭ dla transpartavańnia pryrodnaha hazu.
«Im nadakučyła spračacca z tranziciorami. Jon [prezident Rasii] z honaram ukłaŭ miljardy dalaraŭ, pabudavaŭ hetyja patoki. Ja jamu skazaŭ: my tak ža z honaram — kali vy nas budziecie nachilać i da rynkavaj cany na naftu padviali, mytnuju pošlinu zamianili padatkovym manieŭram — voźmiem z rynku i inšuju naftu.
Ale tolki ci treba heta Rasii, kab na ich rynak pryjšło 20—25 młn ton čužoj nafty — amierykanskaj, Saudaŭskaj Aravii, jašče čyjeści… Azierbajdžanskaja nafta — praz Ukrainu ŭ nas na Mazyr prapracavany hety maršrut», — zajaviŭ kiraŭnik dziaržavy.
«Paŭnočny maršrut my prapracoŭvajem. Ja prama skazaŭ rasijskim uładam. I praz Polšču, praz Prybałtyku. Napracoŭki jość. Ale, kali my praz Polšču pačniom pastaŭlać naftu, to my zabiarom dźvie nitki naftapravoda «Družba», pa jakich na ekspart idzie rasijskaja nafta. Heta treba rasijanam? Nie. Nu dyk davajcie damaŭlacca pa-ludsku i budziem rabić, jak lepš. Voś heta maje patrabavańni, — skazaŭ Łukašenka.
— i nie treba heta słavić da niabiosaŭ i kazać, što Łukašenka paviarnuŭsia na Zachad. Słuchajcie, voś jak minimum mianie asabista na Zachadzie nichto nie čakaje. Ja ŭ hetym na 100% pierakanany. Nie patrebny tam Łukašenka. Jon naohuł i ŭ Rasii nie vielmi patrebny. Prosta narody ŭ nas braterskija. Tamu davodzicca ličycca», — skazaŭ kiraŭnik Biełarusi.
