habr.com
Telegram vypuściŭ abnaŭleńnie z pašyranymi naładkami pryvatnaści, jakija dazvolać karystalnikam chavać svaje numary telefonaŭ. Ab hetym paviedamlajecca ŭ błohu mesendžara, piša RBK.
Vybrać opcyju «nie pakazvać nikomu moj numar telefona» možna było i raniej. Pry hetym mesendžar adznačaŭ, što numar budzie dastupny ŭ samym Telegram tym karystalnikam, jakija zachavali jaho ŭ svaich kantaktach, niezaležna ad naładak pryvatnaści. Jaje pašyranaja viersija dazvalaje schavać numar ad usich karystalnikaŭ, u tym liku tych, chto ŭnios jaho ŭ śpis kantaktaŭ.
Akramia hetaha ŭ mesendžar dadałasia opcyja, z dapamohaj jakoj karystalnik moža abmiežavać koła asob, jakija zmohuć znajści jaho pa numary telefona.
«Hrupy ŭ Telegram ŭsio čaściej vykarystoŭvajucca dla kamunikacyi karystalnikaŭ, jakija cierpiać pryhniotu, — adznačaje mesendžar. — My ličym, što ŭsie ludzi majuć prava vykazvać svajo mierkavańnie i kamunikavać u pryvatnym paradku».