Uzajemaadnosiny Biełarusi z błokam NATA, u tym liku krainami-susiedziami, raźvivajucca nie na škodu supracoŭnictvu z Rasijaj. Pra heta siońnia zajaviŭ žurnalistam dziaržaŭny sakratar Rady biaśpieki Biełarusi Stanisłaŭ Zaś, paviedamlaje BIEŁTA.
«Nielha kazać, što my, dapuścim, sabralisia ŭ Varšavie (sustreča z udziełam vysokich pradstaŭnikoŭ ZŠA, Polščy i Ukrainy, jakija adkazvajuć za pytańni biaśpieki) i tam razmaŭlali suprać kaho-niebudź ci intryhi tam plali. Ni ŭ jakim razie. Našy partniory vydatna viedajuć, i tam taksama pra heta kazałasia, što Rasija — naš stratehičny sajuźnik i partnior, i našy ŭzajemaadnosiny ni z błokam NATA, ni z našymi susiedziami, jany nie na škodu supracoŭnictvu z Rasijskaj Fiederacyjaj. My raźvivajem kantakty i z našymi zachodnimi susiedziami, i z Rasijaj», — padkreśliŭ Stanisłaŭ Zaś.
Jon raspavioŭ, što na nastupnym tydni ŭ Biełaruś pryjedzie sakratar Rady biaśpieki Rasii Mikałaj Patrušaŭ.
«Heta płanavaja pajezdka. Jana ni ŭ jakim razie nie ŭviazana ź niejkimi mižnarodnymi padziejami. U nas vyniesienyja dla abmierkavańnia peŭnyja pytańni, uvohule jany dzieści karelujucca (z tym, što abmiarkoŭvałasia ŭ Varšavie): i pa stanie mižnarodnych miechanizmaŭ kantrolu nad uzbrajeńniami, i pa infarmacyjnaj biaśpiecy. Nielha hetyja pytańni vyrašać tolki z adnym viektaram. Važna vybudoŭvać dyjałoh mienavita z usimi ŭdzielnikami ŭ hetym rehijonie», — skazaŭ dziaržsakratar Rady biaśpieki.
