30 žniŭnia ŭ milicyju patelefanavała žycharka vioski Babuničy. Jana raspaviała, što jaje pjany muž skandalić i pahražaje zabić. Raźbiracca adpravili ŭčastkovaha inśpiektara, paviedamlaje milicyja.
Pryjechaŭšy ŭ dom, jon pierakanaŭsia, što 63-hadovy haspadar sapraŭdy pjany i pavodzić siabie ahresiŭna, pieraškadžaŭ razmaŭlać z haspadyniaj. Milicyjanier vyklikaŭ padmohu i bujana dastavili ŭ RAUS.
Učastkovy praciahnuŭ raspytvać žančynu, udakładniaŭ, što adbyłosia. Vyśvietliłasia, što muž užo katory dzień pjany, skandalić, bje, a ŭ noč na 30-je navat sprabavaŭ dušyć.
Pravaachoŭnik pryniaŭ u paciarpiełaj zajavu. Pakul składaŭ nieabchodnyja dakumienty, supracoŭnik milicyi pacikaviŭsia, ci jość u domie zabaronienyja rečy.
Haspadynia adkazała, što tak, jość niešta tam u muža pad łožkam. Jana pajšła ŭ spalniu i viarnułasia, trymajučy ŭ rukach pradmiety, padobnyja da vybuchovaha rečyva, i šeść elektradetanataraŭ. Učastkovy, ubačyŭšy niebiaśpiečnyja pradmiety, vyklikaŭ śledča-apieratyŭnuju hrupu.
Sapiory praciahnuli ahlad doma i pabudoŭ. U haražy jany znajšli 95 patronaŭ roznych kalibraŭ da naraznoj zbroi, piać patronaŭ kalibra 16 mm, dubaltoŭku TOZ-BM, zatvor z ramkaj i stvałom da niamieckaha karabina. Haspadynia doma patłumačyła, što ŭsio heta naležyć jaje mužu.
