Alaksandr Łukašenka raskazaŭ, što jamu zaŭsiody chaciełasia jeździć na pracu na rovary abo elektramatacykle, ale jon admoviŭsia ad hetaj idei z-za Uładzimira Zialenskaha. Frahmient z hetaj zajavaj pakazaŭ kanał ANT.
Łukašenka ŭ pieršy dzień navučalnaha hoda naviedaŭ adnu ź minskich škoł-novabudoŭlaŭ, dzie pravioŭ urok dla staršakłaśnikaŭ i vyklikaŭ da doški niekalki vučniaŭ, kab abmianiacca dumkami.
Łukašenka, u pryvatnaści, pryznaŭsia, što źjaŭlajecca prychilnikam elektratranspartu.
«Mianie zaŭsiody ciahnie da taho, sieści na elektryčny matacykł abo rovar i pajechać na pracu. Ale ŭsio sapsavaŭ Zialenski. Prezident Ukrainy Vałodzia Zialenski, kali jaho abrali, … skazaŭ: «Ja budu na rovary jeździć», — skazaŭ Łukašenka.
Łukašenka rastłumačyŭ — adrazu ž praviaduć paralel, maŭlaŭ, jon pierajmaje styl Zialenskaha.
