41-hadovaja žančyna paśla zastolla ŭ svajoj siabroŭki vyrašyła dabracca dadomu na taksi. Kali na vyklik pryjechała mašyna, žančyna sieła ŭ aŭto i zahadzia pieradała taksistu hrošy za apłatu pajezdki. Pakolki ŭžo była poźniaja noč, paciarpiełaja zasnuła na zadnim siadzieńni, paviedamlaje staličnaja milicyja.
Pryjechaŭšy pa miescy pryznačeńnia, taksist razbudziŭ klijentku i pačaŭ vypravadžvać jaje z mašyny. Uviazaŭšysia ŭ kanflikt z kiroŭcam, žančyna zusim zabyłasia pra svaju sumku, pakinutuju ŭ mašynie. Hetym i skarystaŭsia 38-hadovy taksist. U sumačcy jon znajšoŭ mabilny telefon, dakumienty i kašalok z 230 rublami. Apošnija i sotavy mužčyna, nie razdumvajučy, zabraŭ sabie, a voś dakumienty i sumku fihurant vykinuŭ u raku.
Paciarpiełaja ŭzhadała pra rečy na ranicu, paśla čaho adrazu ž źviarnułasia ŭ milicyju.
Jak paźniej stała viadoma, prysvojenyja hrošy mužčyna patraciŭ na ŭłasnyja patreby, a mabilny telefon mieŭ namier pradać, ale jamu pieraškodzili apieratyŭniki.
Mužčyna zatrymany. Raniej jon užo pryciahvaŭsia da kryminalnaj adkaznaści za kradziež i zahadzia iłžyvy danos.
