Alaksandr Łukašenka ŭ svoj dzień narodzinaŭ naviedvaje z rabočaj pajezdkaj Smalavicki rajon. Padčas naviedvańnia AAT «Aziarycki-ahra» jamu padaryli limonnaje dreŭca, pieradaje BIEŁTA.
Dyrektar arhanizacyi Nina Žalaznova raskazała kiraŭniku dziaržavy, što ŭ haspadarcy vyrašyli pasprabavać vyroščvać i nietradycyjnyja vidy pradukcyi, u tym liku šampińjony i limony. Ekśpierymient ŭžo možna nazvać udałym.
Nina Žalaznova padaryła kiraŭniku dziaržavy maładoje limonnaje dreŭca. Na im jość jak užo amal śpiełyja płady, tak i zaviazi z kvietkami. Łukašenka z zadavalnieńniem pryniaŭ padarunak, adznačyŭšy, što heta limonnaje dreva budzie ŭ dalejšym vyroščvacca ŭ jaho ŭ ciaplicy.
Padoranaje dreŭca — hatunku «miejer», jaki adroźnivajecca bahatym i rańnim płodanašeńniem. Heta samy «niakisły» z usich hatunkaŭ limonaŭ.
Alaksandru Łukašenku taksama prademanstravali roznyja sielekcyjnyja hatunki bulby, vyviedzienyja biełaruskimi navukoŭcami, ŭzory ŭradžaju, vyhadavanaha niepasredna ŭ haspadarcy.
Tut taksama nie abyšłosia biez prezientaŭ. Častku bulby adpraviłasia na probu nie tolki na kuchniu da kiraŭnika dziaržavy, ale, pa jaho prośbie, «ekspanaty» razdali i prysutnym žurnalistam.
