Minuły tur startanuŭ ź dźviuch mini-siensacyj: spačatku «Słuck» minimalna pieramoh u «Isłačy», a potym «Dniapro» ŭ Mahilovie adoleŭ futbolny kłub «Minsk». Dalej usio prajšło bolš-mienš pradkazalna.
Naohuł, tur byŭ bieniefisam nierealizavanych momantaŭ i abstukanych karkasaŭ varot. Fiederacyja futboła navat pryśviaciła hetamu admysłovy rolik:
Bieniefisam možna było nazvać i hulniu ŭ Breście, dzie «Dynama» pakuražyłasia z «Enierhietykam-BDU». Matč skončyŭsia ź likam 6:2 na karyść haspadaroŭ, a ich kapitan Pavieł Niachajčyk aformiŭ 3+2 pa sistemie «hoł+pas».
A ciapier raskažam pra padziei nastupnaha tura.
«Haradzieja» — «Dniapro»
- 30.08, 19:45. Stadyjon «Haradzieja».
- Kaeficyjenty: «Haradzieja» (pieramoha) — 1.89; ničyja — 3.32; «Dniapro» (pieramoha) — 4.20
- Matč pieršaha kruha — 0:0
Paśla šaści paraz mahiloŭskaja kamanda narešcie pieramahła, i ich stanovišča vyhladaje ŭžo nie nastolki katastrafičnym, jak raniej. Usiaho adna pieramoha — i «Dniapro» moža abahnać jak «Homiel», tak i «Enierhietyk».
Ale nie ŭsio tak prosta. «Haradzieja» prajhrała ŭ apošnich adzinaccaci turach usiaho adnojčy — zajzdrosnaja statystyka dla sieradniaka tablicy.
Prahnoz «NN»: «Haradzieja» pieramoža.
«Słavija» — «Dynama-Brest»
- 31.08, 15:00. Mazyr, stadyjon «Junactva».
- Kaeficyjenty: «Słavija» (pieramoha) — 7.70; ničyja — 5.00; «Dynama» (pieramoha) — 1.35
- Matč pieršaha kruha — 0:0
Sioleta bieraściejcy na dalokija vyjaznyja matčy pačali latać na samalocie. Chutka i zručna. Pakul nieviadoma, jak «Dynama» budzie dabiracca ŭ Mazyr. Mahčyma, što na aŭtobusie — a heta bolš za 400 kiłamietraŭ.
Hieroj matča suprać «Enierhietyka-BDU» Pavieł Niachajčyk. Fota: FK «Dynama-Brest».
Viasnoj dziakujučy hierojstvu bramnika «Słavii» palešuki zdoleli ŭ Breście zdabyć ničyju. Turnirnyja bały kamandzie Michaiła Marcinoviča vielmi patrebnyja.
Prahnoz «NN»: «Dynama» budzie vielmi niaprosta. Sprahnazujem pieramohu bieraściejcaŭ, ale jana dakładna nie budzie bujnoj.
«Słuck» — «Viciebsk»
- 31.08, 17:00. Słuck, stadyjon «Haradski».
- Kaeficyjenty: «Słuck» (pieramoha) — 2.64; ničyja — 3.20; «Viciebsk» (pieramoha) — 2.64
- Matč pieršaha kruha — 2:2
Bukmiekiery admaŭlajucca vyznačać favaryta — kaeficyjenty na pieramohu adnolkavyja ŭ abiedźviuch kamand, ale my pasprabujem vyznačycca.
«Viciebsk» pieramahaŭ u čempijanacie apošni raz pry kancy červienia. Paśla hetaha była techničnaja pieramoha nad «Tarpieda», ale zdabyli jaje nie na futbolnym poli.
Za toj ža samy čas «Słuck» pieramoh ažno piać razoŭ i davoli surjozna vypraviŭ svajo turnirnaje stanovišča, abahnaŭšy ŭ tym liku i «Viciebsk».
Prahnoz «NN»: Zvyčajna matčy hetych kamand u «Słucku» vyłučajucca hradusam baraćby i vialikaj kolkaściu zabitych miačoŭ. U apošnich dvuch siezonach na «Haradskim» stadyjonie pieramahali vyklučna hości, ale ciapier sprahnazujem, što «Słuck» nie prajhraje.
«Homiel» — «Isłač»
- 31.08, 18:45. Homiel, stadyjon «Centralny».
- Kaeficyjenty: «Słuck» (pieramoha) — 3.68; ničyja — 3.68; «Viciebsk» (pieramoha) — 1.90
- Matč pieršaha kruha — 1:3
Kamu ŭ apošnich turach nie šancuje, dyk heta «Isłačy». U Hrodnie kamanda ŭpuściła pieramohu ŭ kancoŭcy hulni, a ŭ minułym tury stvaryła mnostva niebiaśpiečnych momantaŭ la varot «Słucka», ale ŭ vyniku prajhrała «dziakujučy» hołu, pierad jakim forvard supiernika zhulaŭ rukoj.
Ale jak by toje ni było, napieradzie — vyjezd da «Homiela», jakomu nie šancuje pastajanna i viečna niečaha brakuje. U pieršym kruzie «Isłač» pieramahła, jak budzie na hety raz?
Prahnoz «NN»: «Isłač» pieramoža.
«Nioman» — «Dynama-Minsk»
- 01.09, 16:00. Hrodna, CSK «Nioman».
- Kaeficyjenty: «Nioman» (pieramoha) — 4.50; ničyja — 3.62; «Dynama» (pieramoha) — 1.75
- Matč pieršaha kruha — 1:0
Haradziency nie mohuć pieramahčy na praciahu piaci apošnich matčaŭ, a ich bramnik Źmicier Dudar pryznajecca najlepšym bramnikam dvuch apošnich turaŭ. Kali b nie jahonyja hierojstvy, nieskładana ŭjavić, što było b z «Niomanam».
«Dynama» tydzień tamu tur prapuskała (dziakuj za heta «Tarpieda») i zhulała sparynh z rasijskim «Smalenskam». Taksama ŭ presie źjaviłasia infarmacyja, što Siarhiej Hurenka moža pakinuć kamandu, a na jaho miesca musiŭ pryjści Alaksandr Chackievič abo Aleh Dułub. Ale, zdajecca, heta byŭ fejk.
Prahnoz «NN»: Vielmi składana sprahnazavać matčy «Dynama», bo kamanda vydaje časam dosyć niestabilnuju hulniu. Tamu nie budziem prahnazavać čyjuści pieramohu, a pastavim na totał, mienšy za 2.5.
«Enierhietyk-BDU» — «Šachcior»
- 01.09, 17:45. Minsk, RCAR-BDU.
- Kaeficyjenty: «Enierhietyk» (pieramoha) — 8.30; ničyja — 5.75; «Šachcior» (pieramoha) — 1.29
- Matč pieršaha kruha — 4:3
Uviesnu «studenty» na paru z «harniakami» vydali zvyšiaskravy matč, jaki skončyŭsia siensacyjnaj pieramohaj «Enierhietyka». Paśla hetaha za minčukami zamacavałasia rename «hrazy aŭtarytetaŭ».
Paśla 3:4 ad «Enierhietyka». Fota: FK «Šachcior».
Ale siońnia składana sabie ŭjavić, što «studenty» paŭtorać viasnovy pośpiech.
Prahnoz «NN»: Pieramoha «Šachciora».
«Minsk» — BATE
- 01.09, 19:45. Stadyjon FK «Minsk».
- Kaeficyjenty: «Enierhietyk» (pieramoha) — 9.40; ničyja — 5.15; «Šachcior» (pieramoha) — 1.30
- Matč pieršaha kruha — 0:1
BATE zastaŭsia bieź jeŭrakubkavaj vosieni. Sioleta zastałasia tolki adna zadača — heta čempijanat. I zdajecca, što ŭ pieršy vosieński dzień pačniecca sapraŭdny boj za čempijonstva pamiž BATE, bieraściejskim «Dynama» i «Šachcioram».
I pieršy krok — matč suprać «Minska».
Prahnoz «NN»: Pieramoha BATE.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Tarpieda-BiełAZ».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
