Prezident Ukrainy Uładzimir Zialenski zaklikaŭ novuju Viarchoŭnuju Radu da kanstruktyŭnaj pracy padčas zvarotu da deputataŭ, paviedamlaje «Hordon».
«Užo zaraz zrazumieła, što parłamient hetaha sklikańnia ŭvojdzie ŭ historyju. Pytańnie adno: jak mienavita? U vas jość usie šancy trapić u padručniki jak parłamient, jaki ździejśniŭ nievierahodnaje, jaki ŭvasobiŭ u žyćcio ŭsio, što nie zmahli zrabić za papiarednija 28 hadoŭ, jak parłamient, u jakim nie było bojek, prahułaŭ», — skazaŭ Zialenski.
Zialenski adznačyŭ, što nie chacieŭ by, kab novy parłamient uvajšoŭ u historyju, jak «parłamient, jaki praisnavaŭ mienš za ŭsich — adzin hod».
«Faktyčna, heta vaš, heta naš vyprabavalny termin. Paviercie, ja ŭžo viedaju, što raspuskać Viarchoŭnuju Radu nie tak strašna», — adznačyŭ jon.