Žycharka Navapołacka źbiła troch žančyn na prypynku hramadskaha transpartu za prośbu nie kuryć pobač, paviedamlaje milicyja.
Zdareńnie adbyłosia dniom 24 žniŭnia. Niećviarozaja 33-hadovaja žycharka Navapołacka pryjšła na prypynak razam sa znajomym i stała kuryć. Adna z pažyłych žančyn, jakaja znachodziłasia tam, chvareła na astmu i paprasiła jaje adyści ŭ bok, na što atrymała abrazy. 33-hadovuju žančynu asudzili 2 inšyja žančyny, jakija byli pobač. Zvarotnaja reakcyja była burnaj: parušalnica hramadskaha spakoju źbiła ŭsich troch žančyn.
U milicyju pra zdareńnie paviedamiŭ małady čałaviek, jaki staŭ śviedkam incydentu. Zaviali kryminalnuju spravu pa artykule «chulihanstva».
0
0
0
0
0
0
