Brazilski ŭrad admoviŭsia ad $22 młn, prapanavanych jamu krainami G7 dla baraćby ź lasnymi pažarami ŭ Amazonii, paviedamlaje VVS.
Prezident krainy Žair Bałsanaru abvinavaciŭ Francyju (mienavita Emaniuel Makron vystupiŭ ź inicyjatyvaj pra dapamohu) u kałanijaliźmie.
«My vystupajem suprać nieabhruntavanych napadaŭ prezidenta Makrona na Amazonku. Za idejami G7 pra vyratavańnie lasoŭ Amazonii taicca staŭleńnie da nas, jak da kałonii abo ničyjnaj ziamli», — napisaŭ palityk u Twitter.
Kiraŭnik administracyi prezidenta Brazilii Oniks Łarenzoni ŭ adkaz tolki papraknuŭ francuzski ŭrad u tym, što tyja nie praduchilili pažar u Notr-Dam-de-Pary, chacia nibyta mahli.
«Makron nie zdolny praduchilić pradkazalny pažar u chramie, jaki źjaŭlajecca suśvietnaj spadčynaj, i ciapier choča pavučać našu krainu?» — skazaŭ jon.
